martes, 21 de julio de 2009

Bakioko gazteek Torrea gaztetxea inaguratu dute

Bakioko gazteen manifestua:
BAKION GAZTETXE BERRIA IREKI DUGU!!!!
Uztailak 18 egun historikoa bihurtu dugu. Turismoari begira erreferentea izan den hotela gaztetxe bihurtu dugu. Bi urte daramatza abandonatua eta gazteok, biziberritu eta martxan jarri dugu, gure beharrizanak betetzeko eta herritar guztioi zabalik egongo den gune askea bihurtzeko.
Etxebizitza politika basati honen gainetik, merkatuaren legeetatik at egongo den eraikina bihurtu dugu. Momentu honetan zortzi gazte bizi dira bertan, sistema kapitalista honetatik kanpo, elkarbizitza legeetan oinarrituta. Asmoa, aurrera egiteko zailtasunak dituzten gazteei ateak ireki eta ohe bat ematea da. Dugun ohe kopurua kontutan izanda.
Bi urte daramatzagu gaztetxea aldarrikatzen. Udalak gazteontzako lokal bat martxan jarriko zuela adierazi ziguten, baina lau urte pasa dira eta eraikitako lokalak bertan jarraitzen du kamaraz josia eta ixita, hilda, zahartzen?. Udal gobernueari argi adierazi genion proiektu hau autojestioan oinarritua egon behar zela Bakioko gazteen gehiengoak horrela exijitu genuelako. Galdeketa bat antolatu genuen gazteon artean, eta gehiengo osoak gazte lokal autojestionatu eta aske baten alde egin genuen, udalak entzungor egin zuen. Hau ikusita herri osoa inplikatzeko sozializazio kanpaina bat aurrera eraman eta sinadura bilketa burutu genuen Gaztetxearen aldeko 500 sinadura bilduz. Udal gobernuak beraien proiektua inposatu digu, gurekin elkarrizketarako bidea ixiz eta gure eskaerei entzungor eginez.
Honen aurrean Bakioko gazteak gure alternatibak eraiki behar ditugulako, gaztetxea gure kontu ireki behar izan dugu, udalak ez digulako inolako laguntzarik ez elkarrizketa tarterik eskeintzen. Beraien helburu bakarra, desgaste ekonomikoa eta gazte kritikoak zapaltzea baino ez delako.
Gaur egun, gaztetxea kulturalki herrian erreferente bilakatzeko helburua dugu. Gune askea izateaz gain, iritzi eta kolore desberdinetako jendea barne hartuko duen gaztetxea bihurtuko dugu, euskalduna, parekidea, elkarlan eta autojestioan oinarritua.
Badakigu desalojoaren mamua gainean daukagula, baina argi dugu kale gorrian geratzearen erantzule bakarra udala dela, gure eskaera eta beharrizanei entzungor egiteagatik eta herritarren erabakiak ez errespetatzeagatik. Honen aurrean, gazteok, gure bidea jarraitzeko konpromezua hartu dugu gure erabakiak gauzatuz eta esparru askeak bilatuz.

Larunbatean irekiko ditu ateak Hendaiako Gaztetxeak

Joan den larunbatean Hendaiako gazteek Ondarraitz futbol zelaiaren aldamenean aurkitzen den hiru solairuko etxe bat okupatu ondoren, Hondartza auzoko bizilagunendako bazkari informatiboa prestatzen ari dira. Etxeko lorategian eman duten prentsaurrekoan gazteen bozeramaile Matthieuk azaldu duenez, gaztetxearen proiektua azalduko diete bizilagunei asteazkeneko bazkarian. Bestalde, uztailaren 25ean, larunbatarekin ate irekitze eguna antolatu dute.
Momentuz, baratza komunitarioa eta konposta egiteko egitura bat prestatzen hasi dira, baina horrez gain doako euskara ikastaroak, filma alternatiboen bideo-proiekzioak, hitzaldi-eztabaidak eta aterpetxe zerbitzua eskaini nahi dute besteak beste. Logelak prestatu eta jendeak dohainik lo egin dezala nahi dugu, adierazi du Matthieuk. Aldi berean, dagoeneko hiru lagun bertan bizi direla nabarmendu du.
Legearen muganUrteotan Hendaiako gaztetxearen aldarrikapena Bazen Garaia Elkartearen eskutik etorri izan den arren, gazteen esanetan, okupazioa ez du Bazen Garaiak berea egiten, Hendaiako gazteriak edo gazte talde batek baizik. Baina gaztetasuna, ez da ekintza burutu baino lehen legedia ondo aztertu beharra zutela jakiteko oztopo izan. Frantziako estatuko legeak dioenez, hutsik dagoen etxe batean 48 ordu igaro ondoren, eta justifikatu ahal izanez gero, Poliziak ezin zaitu bertatik kaleratu, adierazi du Matthieuk.
Hori horrela, igandean CRSko polizia agenteak iritsi ziren bidetik alde eginzuten. Baina noizean behinka Ondarraitzetik pasa eta gaztetxearen parean geratzen dira. Nolanahi ere, Herriko Etxeak eta etxearen jabeak salaketa ofiziala egin ezean, inork ezingo ditu bertatik kaleratu.
Auzapezaren hitzaEra horretara, Hendaiako gazteek urtetan aldarrikatu duten gaztetxearen alde egin dute. Gure aldarrikapenak muturrera eraman behar izan ditugu, azkenik, kexatu da gazteen bozeramailea. Honela, Herriko Etxearen laguntzarik gabe eta etorkizun hurbilak zer ekarriko ote dien jakin gabe justizia soziala dakarren erabakia hartu dutela dio Matthieuk. Izan ere, Hendaian gaur egun 400 etxebizitza hutsik daude eta alternatibak proposatzeko bilera baten esperoan egoteaz nekaturik Hondartza auzoko etxe hau okupatzea erabaki dute.
Zentzu horretan, joan den martxoan Hendaiako Merkatu Zaharrean Herri bat, Gaztetxe bat! lemapean Gaztetxearen Aldeko Eguna kari antolatu bestan, ehunka lagunek Hendaian gazte mugimendua bizirik dela argi utzi zuten.